Dokumentar
Dokumentar · Biografi · Historie
Til Jæren med pater Pollestad
399,00 kr
Kjell Arild Pollestad
TIL JÆREN MED PATER POLLESTAD
Endeleg på nynorsk! Ein «litterær jærsalat» frå pater Pollestad.
Boka er ei fotoillustrert tekstsamling med sjølvbiografisk linje som strekk seg frå forfattarens barndom og fram til i dag.
«I 2010 flytte eg heim til Jæren etter over førti års omflakking, med mange år i utlandet, særleg i Frankrike, men også i Roma er eg etter kvart vorten heimekjend. Mange år budde eg og i Oslo, og ikkje minst i Tønsberg, der eg i åtte år var sokneprest. Men kor eg enn var i verda, måtte eg heim til Jæren så ofte det let seg gjera, og få har sete meir på Sørlandsbanen mellom Oslo og Bryne enn eg.
Om Jæren har eg gjennom åra skrive mykje, og no har eg som gamal mann sett saman ein litterær «jærsalat» av eigne tekstar frå mitt ljose fastland. Her finst og sumt som ikkje har vore utgjeve før, særleg nokre dikt som eg til tider har mora meg med å skriva når eg heller burde ha gått og lagt meg. På ein måte er alle tekstane nye, for alt eg har skrive på «sidemålet», kjem her på hjartespråket, på «målet hennar mor.»
* Ønskes signert eksemplar, kan boka bestilles hos Bibelbutikken Bryne. Porto tilkommer.
Efrem forlag beklager:
Det viser seg at denne boka inneholder tre foto som det ikke er innhentet rettigheter for. Disse er tatt fra boka: Høyland skule, bygda og folket, av Tore Vik. Bildene dette gjelder er: Side 47: Høyland skule med nytt påbygg, foto Karina Vik | Side 50-51: Høyland skule før ombygginga, foto: Widerøe | Side 151: Steinkrossen, foto: Bodil Fagerheim
Olav H. Hauge og trea : om å sjå naturen – og klimakrisa no! | essay · lyrikk
329,00 kr
Last ned omslag: ⥥
Anne Karin Fonneland
OLAV H. HAUGE OG TREA : om å sjå naturen – og klimakrisa no!
Ei nydeleg bok som gjør deg enda mer glad i naturen!
«… Med boka skriv ho seg inn i ein nynorsk essaytradisjon av forfattarar som Garborg, Økland, Fløgstad og Fosse.»
Arne Sunde, Dag og Tid
«Er Folgefonna i ferd med å smelta?» Ved skiløypa er isen sokke 55 meter sidan 2008. Under breen er det dalar som kan verta fylte med vatn. At Folgefonna ein gong kan sleppa innsjøar, vil me helst ikkje tenkje på. Økosystemet me inngår i, er truga. Olav H. Hauge såg dette tidleg, noko forfattar Anne Karin Fonneland byrja skriva om etter å ha vorte uroa over det ho såg. Historia til Fonneland er tankevekkjande, fengslande og viktig.
Bla i boka på ISSUU
-
Eg vil ha det normalt, skriv Anne Karin Fonneland.
Årstidene i Hardanger er blitt annleis; ikkje mykje, men merkbart. Endringane er synlege både for bønder som lever av jorda og for dei som lever med og i landskapet. Over fjorden skin den mektige Folgefonna. Breen har fått eit grått skin. Men kva er naturleg variasjon og kva skuldast klimaendringar? Klimaforskarar skildrar gradvise økologiske endringar som shifting baselines. Kva som er normalt i naturen, er i endring. Kva språk har me for desse små, konkrete endringane?
I denne boka tek Fonneland lesaren med inn i eit vakkert landskap, for mange kjent som den biletskjønne nasjonalromantikkens tablå: plommer, bløming og turisme. Me får vere med på pleie av epletre og høyre om fellesskap knytt til trea. Trea har sett djupe spor i kultur og arbeidsliv, i handverk, mytar og diktekunst. Dette er ei bok om denne kulturen med sine mangfaldige sjikt av meining og levd liv, personlege minner, sansingar og opplevingar, kombinert med nære lesingar av Olav H. Hauge sine dikt og dagbøker.
Fonneland minner om at Hauge såg tidleg at menneska ikkje berre inngjekk i harmoni med naturen, men skapte kritisk ubalanse over tid. Ho skildrar korleis det å ha eit nært forhold til, og omtanke for naturen, er blitt noko samansett, av og til plaga. Me ikkje berre ser på naturen, men er sjølv del av den. Økosystemet me inngår i, er truga. Historia til Fonneland er tankevekkjande, fengslande og viktig.
Vis all bokinfo