Frå Store norske leksikon:
T. S. Eliot var ein amerikansk-britisk diktar og kritikar. Både som poet og som kritikar var han ein svært viktig skikkelse i den litterære modernismen på 1900-talet. Han fekk Nobelprisen i litteratur i 1948.
Lyrikk
I diktet har du fått eit evig liv | dikt
199,00 kr 349,00 kr
Hans Johan Sagrusten | gjendiktingar
I DIKTET HAR DU FÅTT EIT EVIG LIV | Å stride mot undergangen med ord
Å dikte er ein strid på liv og død, og det diktaren kjempar mot, er sin eigen undergang. Livet er forgjengeleg, og det gjeld å halde fast på det vakre, det opphavlege og reine.
Poesi av William Shakespeare, Dylan Thomas, R.S. Thomas og Georg Mackay Brown
Innkjøpt av Norsk Kulturfond (Kulturrådet)
Diktarane i denne samlinga kjempar mot undergangen på kvar sin måte. Dei er fire diktarar frå dei britiske øyane, frå England, Skottland og Wales, med kvar si særeigne stemme og biletverd.
Dag og Tids anmelder (og litteraturviter) Kjetil Berthelsen siterer begeistret:
Når førti vintrar kringset panna di, / grev djupe fòrer i din venleiks eng, / når ungdomsdrakta alle ser deg i, / blir stritt og lurvent ugras ingen treng.
Om Hans Johan Sagrustens tidlegare samling med R.S. Thomas’ poesi: Ein stad mellom tru og tvil. (Innkjøpt av Norsk Kulturfond):
«gnistrende vakre gjendiktninger»
Jan Erik Rekdal, SEGL
-
William Shakespeare (1564-1616) held i sine sonettar fast på biletet av sin kjære. Kven denne kjære er, veit vi ikkje. Men dei fire hundre år gamle dikta står som lysande freistnader på å halde dette biletet fast i rim og rytme.
-
For Dylan Thomas (1914-1953) er det diktarens eige sinn, i møte med det forgjengelege livet og den trugande døden, som får sitt uttrykk i dikt. Vi kan nesten kjenne den glødande intensiteten i striden, der Thomas kjempar over skrivebordet, medan haugen av samankrølla ark blir større og større på golvet.
-
For Ronald Stuart Thomas (1913-2000) er det sjølve det menneskelege som er truga av undergang i møte med den moderne verda. Thomas nærer djup forakt for alt det moderne, som han omtalar som maskina. Stilt overfor maskina, freistar han trassig å halde fast på det ekte og opphavlege.
-
Det er Orknøyane som er George Mackay Brown (1921-1996) sin arena. Bileta hans er så reine at berre det vesentlege står att, og lesaren kan stige inn i dei med sine eigne assosiasjonar.
-
Det misfarne landet · Fire kvartettar | dikt
429,00 kr
T.S. Eliot
Det misfarne landet · Fire kvartettar
Thomas Stearns Eliot (1888–1965) var ein av det 20. hundreårets fremste diktarar og prega modernismen. Han fekk Nobelprisen i litteratur i 1948.
Denne utgjevinga samlar to av T.S. Eliots fremste diktverk: The Waste Land (1922) og Four Quartets (1943). Ei viktig hending for nynorsk lyrikk. Samlinga synleggjer samtidig kontinuiteten i Eliots poesi, trass i store livsendringar. Elliot braut opp tradisjonelle former, men var samtidig djupt konservativ; fragmenta i dikta kan forvirre, men musikken foreinar og formidlar. Begge diktverka er djupt eksistensielle og speglar krigstider. Slik talar dei inn i vår eiga tid.
Åsmund Bjørnstad (f. 1951) er forfattar og lyrikar og har gjendikta mellom anna John Donne, Dylan Thomas, Tony Harrison og Rainer Maria Rilke. ISBN
Utgjevinga har òg eit lengre etterord/essay av litteraturviter og skribent Mads Skam Lerø.
Boka blir gitt ut 20. mai, men bestill gjerne på førehand.
The Waste Land er hans mest kjente verk. Hans humoristiske Old Possum's Book of Practical Cats (1939) var grunnlaget for den populære musikalen Cats.
© Foto T.S. Eliot:
Ellie Koczela, CC BY-SA 4.0 <https://creativecommons.org/licenses/by-sa/4.0>, via Wikimedia Commons
-
tba
-